Sunday, 12 January 2014

എന്റെ ലഡു

ഇന്നു ഞാനല്‍പ്പം വൈകി എങ്കിലും പതിവായി വളവിലെ ബസ്സ്റ്റൊപ്പില്‍ കാണുന്ന സുന്ദരികൊച്ചു ഇന്നും അവിടെ തന്നെയുണ്ടു...ദൂരെനിന്നു തന്നെ ഹെല്‍മറ്റിന്റെ ചില്ലു ഞാനുയര്‍ത്തി വച്ചു... അവള്‍ എന്റെ ബൈക്കില്‍കയറുന്നതു ഞാന്‍ സ്വപനം കാണാറുണ്ടു...
ഏതുബസ്സിലാണഅവള്‍ പോകുന്നതു...ആവോ...അതാഅവള്‍ എന്നെയല്ലെ നോക്കുന്നത് ...എന്റൊപ്പം വരുന്നുണ്ടെന്നു തോന്നുന്നു...അതാഅവള്‍റോഡിലേക്കു ഇറങ്ങിനിന്നു...മനസ്സില്‍ രണ്ടു ലെഡു പൊട്ടാന്‍ തയ്യാറായി... അവള്‍ക്കെളുപ്പംകയറാനായി വണ്ടികുറച്ചുമുന്നോട്ടുനീക്കി ഒതുക്കിനിറുത്തി...

പെട്ടന്നത്താ പിന്നില്‍ കരിവണ്ടു മൂളുന്നൊരു സീല്‍ക്കാരം ...തിരിഞ്ഞു നോക്കി പിന്നില്‍ പളപളാമിന്നുന്ന കറുത്തരു മുട്ടന്‍കാറ്...സിനിമാനടനെപ്പോലൊരുത്തന്‍ ഡ്രൈവര്‍സീറ്റില്‍...അവള്‍ ചിരപരിചിതയെപ്പോലെ ഡോര്‍ തുറന്ന് കാറില്‍കയറി വാതില്‍ വലിച്ചടച്ചു...കാര്‍അവളെയും കൊണ്ടു മുന്നോട്ടു കുതിച്ചു...അപ്പുറത്തെ ഇലക്ട്രിക്ക് പോസ്റ്റിലിരുന്ന കാക്ക എന്റെ പൊട്ടാത്ത ലഡുവും നോക്കി ചിരിച്ചു...
 

No comments:

Post a Comment